سمية الخشاب تنصح الرجال بأكل الكوارع فى الشتاء..هتخلى ادائك مع مراتك يبقى عالى
كشفت الفنانة سمية الخشاب عن النظام الغذائي الذي بدأت مؤخرا اتباعه في وجبة الغداء، ونصحت بأكل الكوارع خاصة في فصل الشتاء. وخلال حوارها مع الإعلامية ياسمين عز في برنامج “كلام الناس” المذاع عبر قناة MBC مصر، قالت سمية الخشاب: “مؤخرا احترمت نفسي وبقيت أهتم بصحتي وأملا بطنى بطبق السلطة عشان أشبع. قبل كده كنت بضرب …
كشفت الفنانة سمية الخشاب عن النظام الغذائي الذي بدأت مؤخرا اتباعه في وجبة الغداء، ونصحت بأكل الكوارع خاصة في فصل الشتاء.
وخلال حوارها مع الإعلامية ياسمين عز في برنامج “كلام الناس” المذاع عبر قناة MBC مصر، قالت سمية الخشاب: “مؤخرا احترمت نفسي وبقيت أهتم بصحتي وأملا بطنى بطبق السلطة عشان أشبع. قبل كده كنت بضرب مكرونة بالبشاميل ومحاشي زي ما قلبك يحب.”
وأضافت: “أنصح كل الناس وخصوصا الرجاله بما إننا في الشتا بالكوارع وخصوصا الرجلين الأمامية للبقرة، هاتوها واغسلوها كويس جدا، وادخلوا على يوتيوب هتلاقوا طرق كتيرة جدا للكوارع. مفيدة جدا لو بتشتكوا من آلام الظهر والعظم والمفاصل،و هتخلى اداء الراجل مع مراته يبقى عالى.. وكلها كولاجين وحلوة قوي لوشكو. أنا من ساعة ما بدأت آكل كوارع وضعي إتغير.”
وتابعت: “لما تكونوا زهقانين انزلوا اشتروا الخضار والفاكهة بنفسكو، والديلفري بالتليفون إنسوه، هتتبسطوا.”
نصحت الفنانة سمية الخشاب السيدات اللاتي يرغبن في الحصول على جمال الوجه باستخدام “ماسك” مكون من مواد طبيعية.
أوضحت سمية الخشاب، خلال استضافتها في برنامج “كلام الناس” الذي تقدمه الإعلامية ياسمين عز عبر قناة MBC مصر، رأيها في التجميل باستخدام “الفيلر” و”البوتكس” قائلة: “الفيلر والبوتكس شر لابد منه لو وشك محتاج، وعندك شوية خطوط جنب عينك، بس مش عمال على بطال.”
وأضافت: “أنا بعمل فيلر وبوتكس كل سنة ونص أو سنتين، والحمد لله مش بيروح مني بسهولة، وكتر الحاجات دي مش صح لإنها مش طبيعية.”
وتابعت: “استخدموا ماسكات طبيعية، ماسك الزبادي والعسل، واضحكوا دايما، الضحكة بتشد الوش لفوق، لكن البوز بيوقع الوش لتحت مع الجاذبية، اضحكوا حتى لو بالكذب.”
وأكملت: “قومي الصبح لو إنت متنكدة وجوزك منكد عليكي عيشتك، أقفي قدام المراية وقولي أنا سعيدة. لما تضحكي حتى لو بالكذب بعد دقيقتين عقلك الباطن هيصدق. أنا بعمل كده، مش شايفين تألقي.”
