مبروك عطية يرد : سلفتي بتغيظني وبتقولي جوزي أرجل من جوزك

د الدكتور مبروك عطية، العميد السابق لكلية الدراسات الإسلامية جامعة الأزهر فرع سوهاج، على سؤال ورد إليه جاء فيه: سلفتي بتغيظني وبتقولي جوزي أرجل من جوزك ويعاشرني كل يوم؟

رد مبروك عطية
وقال عطية من خلال بث مباشر عبر حسابه على فيسبوك: بالله عليكي، بالله على كل مسلم، ودانه تسمع الأذى والغيبة ويدي فرصة للي بيتكلم ليه، اتعلموا، إذا كنت سلفتك حافظة البقرة وآل عمران يبقى غيري منها.

وأضاق عطية: كان الصحابي إذا حفظ البقرة وآل عمران تفاخروا به، كان ليه شنة ورنة، اسمعيها وطنشي، سَيَقُولُ السُّفَهَاءُ مِنَ النَّاسِ مَا وَلَّاهُمْ عَنْ قِبْلَتِهِمُ الَّتِي كَانُوا عَلَيْهَا قُلْ لِلَّهِ الْمَشْرِقُ وَالْمَغْرِبُ يَهْدِي مَنْ يَشَاءُ إِلَى صِرَاطٍ مُسْتَقِيمٍ.

تابع مبروك عطية: قوليلها الله يفتح عليكي قبل ما دخل أخرط القلقاس، إنما واحدة بتتمايل وعايزة تغيظك.. تديها الفرصة ليه، إلا إذا كان عندك الرغبة الداخلية إنك تسمعي وتنكدي على نفسك.

واستدل عطية بقوله تعالى: وَحَسِبُوا أَلا تَكُونَ فِتْنَةٌ فَعَمُوا وَصَمُّوا ثُمَّ تَابَ اللَّهُ عَلَيْهِمْ ثُمَّ عَمُوا وَصَمُّوا كَثِيرٌ مِنْهُمْ وَاللَّهُ بَصِيرٌ بِمَا يَعْمَلُونَ.

وأكد العميد السابق لكلية الدراسات الإسلامية: معنى الآية إن الإنسان يقبل على حاجة يفتكرها بسيطة فتؤدي إلى عماه وصممه وفسقه.

واصل: البنت والفاحشة كانت دقيقة وبعدين خمسوبعدين نصي وبعدين ساعة وبعدين جت الفاحشة، وبعدين هتهرب من البيت لو فيه من الأول صد مكنش حصل ده.

واختتم مبروك عطية: ما أصدق الله، استقم كما أمرت، المستقيم، محدد الهدف، عارف هو عاوز أيه.. بيروح يقضيه ويرجع، وظيفته مع الناس السلام سلفتك بتغيظك..متتغاظيش..

قوليلها الحمد لله إن ربنا بعتك..شغليها معاكي وشيليها الولد، ومتديهاش فرصة دي نصحتي ليكي، شغلي الجمجمة ووقفيها على الغسالة.